Transcription
1
Reçue à Grenoble le 15 janvier 1573.
2
Monsieur de Lativoulyere, je vous ay bien voullu advertyr q’u ne troupe
3
des rebelles estant envyron trois cens arrivarent hyer à jour fally à
4
Beauchastel, et pour ce que ceulx que j’en fictz desloger Il avoit huict
5
jours avoient deliberé de fortiffyer ledit Beauchastel. Je crainctz que
6
ceulx cy estans plus fortz ayent prins le mesme desseingz. Je vous laysse
7
à pancer si ainsin estoit lempechement quilz donneroient au trafficq du
8
Rosne et le moyen quilz auroient tenant se passaige de passer et
9
repasser la rivière à le voullunté, qui me faict vous prier bien
10
affectionnement denvoyer demain icy de bonne heure le plus darquebouziers
11
que vous pourrez, car qui leur donnera loysir de se retrancher,
12
il sera mal aysé de les avoir sans amener la canon. Si je heusse
13
heu quatre vingtz ou cent arquebusiers, jeusse assayé la nuict
14
passée leur donner une extraicte. Attendant de voz nouvelles, feray
15
fin à la presente par mes plus affectionnées recommandations à votre
16
bonne grace, prient le Createur,
17
Monsieur de Lativoulière, vous donner en santé, longue vye.
18
De La Voulte, ce XIIIe janvier 1573
19
Despuys la presente escripte, jay envoyé ung nombre
20
darquebusiers jusques sur le bord d’Esrieu qui
21
ont veu quilz retranchent en toute dilligence,
22
qui est occasion qu’ay advisé vous envoyer le sieur
23
des Eymars qui est à moy que je vous prie
24
voulloir croyre de ce quil vous dira comme
25
moy mesme. Il est besoing comme trop mieulx
26
lentendés duser en ce faict de toute dilligence
27
Votre plus affectionné amy à vous
28
obeir Vantadour